Уул уурхайн төсөл хэрхэн хэрэгждэг вэ?

Женесис Энержи Мамбо уул уурхайн төслийг хайгуулаас хаалт хүртэлх 7 үе шатаар тайлбарлаж байна.

1. 

   01 / 07 · ҮЕ ШАТ

   Анхан шатны судалгаа

   Geological Survey

   Геологичид талбай дээр ажиллаж, нэг асуултад хариулна: энд орд байж болох уу?

   • Чулуулгийн зураглал, бүтэц, хээрийн судалгаа хийнэ.
   • Сорьц цуглуулж, лабораторийн урьдчилсан шинжилгээ хийнэ.
   • Геофизик, геохимийн хэмжилтээр боломжит бүсийг нарийсгана.

   «Энд ашигт эрдэс байж магадгүй юу?» гэдгийг энд тогтооно.

2. 

   02 / 07 · ҮЕ ШАТ

   Хайгуул, өрөмдлөг ба нөөц тогтоох

   Exploration & Resource Definition

   Орд байгаа эсэхийг батлах хамгийн чухал ажил бол өрөмдлөг юм.

   • Өрөмдөж цөмөг (core) дээж авч, бүртгэнэ.
   • Лабораторид агуулга, эрдсийн найрлага, шинж чанарыг тодруулна.
   • Өгөгдлөөр ордын хэмжээ, агуулга, хэлбэрийг загварчилж нөөцийг тооцно.

   «Хэдий хэмжээний нөөцтэй вэ?» гэсэн том асуултын хариу энд гардаг.

3. 

   03 / 07 · ҮЕ ШАТ

   Урьдчилсан үнэлгээ

   Scoping / PEA

   Энд төсөл цааш явах боломжтой юу гэдгийг хурдан бөгөөд бодитоор шалгана.

   • Олборлолтын арга, ерөнхий схем (ил эсвэл далд, дэд бүтэц).
   • Боловсруулалтын боломжит хувилбарууд, flowsheet-ын концепц.
   • Өртөг, орлогын урьдчилсан тооцоо, гол эрсдэлийн зураглал.

   Төслийг дараагийн шат руу оруулах эсхийг энд шийднэ.

4. 

   04 / 07 · ҮЕ ШАТ

   ТЭЗҮ + БОННУ + Зөвшөөрөл

   Feasibility + ESIA + Permitting

   Төслийг мэргэжлийн түвшинд баталгаажуулах хамгийн чухал үе шат.

   • Уурхай, үйлдвэр, дэд бүтцийн нарийвчилсан зураг төсөл.
   • Байгаль орчин, нийгмийн нөлөөллийн үнэлгээ (БОННУ), менежментийн төлөвлөгөө.
   • Ус, хаягдал, нөхөн сэргээлт, хөдөлмөрийн аюулгүй байдлын шийдлүүд.

   Зөвшөөрөл, санхүүжилт, гүйцэтгэлийн үндэс энд бүрдэнэ.

5. 

   05 / 07 · ҮЕ ШАТ

   Бүтээн байгуулалт

   Construction

   Төслийн биет бүтээн байгуулалт эхэлж, талбай дээр хөдөлгөөн эрс нэмэгдэнэ.

   • Зам, эрчим хүч, усан хангамж, холбоо зэрэг дэд бүтэц.
   • Уурхай, үйлдвэрийн барилга, суурь, тоног төхөөрөмжийн суурилуулалт.
   • Ажиллах хүч, ханган нийлүүлэлт, логистик идэвхжинэ.

   Ашиглалт эхлэхэд бүх зүйл бэлэн болсон байх ёстой.

6. 

   06 / 07 · ҮЕ ШАТ

   Ашиглалт ба боловсруулалт

   Operations & Processing

   Энэ үеэс бодит бүтээгдэхүүн гарч, эдийн засгийн өгөөж эхэлдэг.

   • Хүдэр олборлоно — ил эсвэл далд уурхайн үйл ажиллагаа.
   • Бутлах–нунтаглах–баяжуулах, боловсруулах процесс ажиллана.
   • Бүтээгдэхүүн стандартад нийцэж, зах зээл рүү нийлүүлнэ.

   Аюулгүй ажиллагаа, байгаль орчны хяналт, мониторинг тогтмол явагдана.

7. 

   07 / 07 · ҮЕ ШАТ

   Хаалт ба нөхөн сэргээлт

   Closure & Rehabilitation

   Ашиглалт дууссаны дараа талбайг аюулгүй, тогтвортой болгож, байгалийн анхдагч төрхөд аль болох дөхүүлнэ.

   • Газрын хэлбэршүүлэлт, хөрс буцаан дэвсэх, ургамалжуулалт.
   • Ус, тоосжилт, эрсдэлийн хяналт, урт хугацааны мониторинг.
   • Дэд бүтцийг буулгах эсвэл ашигтайгаар шилжүүлэх боломжийг үнэлнэ.

   «Хариуцлагатай уул уурхай» гэдэг нь энэ шатанд бүрэн харагддаг.